Atzokoan Euskaltel Euskadi taldeak oharra zabaldu zuen: "Mikel Iturriak hainbat haustura eta burezur-garuneko traumatismo arina ditu. Egonkor eta arriskutik kanpo egon arren, istripuaren kolpea dela eta, beste egun batzuetan Morgagni-Pierantoni erietxean (Forlí) behaketan mantentzea erabaki da. Datozen egunetan bilakaera ona izatea espero da".
Senideekin harremanetan
Ospitalean da baina kontziente, eta urnietarrak etxekoekin hitz egin ahal izan du. Senideak zain daude, eta hurrengo orduetan Euskaltel Euskadi taldeko medikuak ospitaleko arduradunekin harremanetan jarriko dira. Ikustear da hurrengo orduetan zer egin. Akaso, hango ospitalean jarraitu edo, bestela, Euskal Herrira ekartzeko lanei ekin.