Astez aste garatuz joan den egoera izan da. Urriaren hasieran Villabonako kutsatze tasa ez zen kezkagarria, R0 delako indizea 1aren azpian zegoelako. 1etik gora dagoenean esan nahi du kutsatu bakoitza pertsona bat baino gehiago kutsatzen ari dela. Ez zen hori kasua, eta hurrengo bi asteetan aldagai hori okertuz joan da. Gipuzkoan, oro har hartuta, hazkunde hori gertatu da.
| Data | Urriak 19-25 | Urriak 12-18 | Urriak 6-12 |
| Intzidentzia tasa | 541,82 | 355,57 | 287,84 |
| RO kutsatzea | 1,52 | 1,11 | 0,94 |
| Kutsatuak | 21 | 11 | 8 |
Urnietan eta Andoainen egunak daramatzate horrela. Jaurlaritzak ezarritako "gomendioez" gain, udalerri bakoitzak bere erabakiak hartu ditu. Oro har udalaren eskumeneko diren gizarte, kultur eta kirol mailako jarduera oro eten egiten dira. Astebeteko neurriak dira, eta Urnietak dagoeneko bigarren astez luzatuko ditu udalerrirako ezarritako neurriak.
Amasa-Villabonak, beste udalerriek egin bezala, udalerriari dagokion neurri sorta iragarriko duela espero da.