Aita Larramendi ikastolako irakasle lau hamarkadatik gora izandakoa, Ana Jesus Altuna Gorrotxategi ekainaren 23an hil zen, 71 urte zituela. Irakasle eta pertsona gisa erakutsi zituen aparteko ezaugarriengatik hartu dute gogoan lankide ohi, ikasle ohi eta gurasoek.

Irrintzi elkarteko kideek joan zen larunbatean egin zuten batzarrean, aurten Garagardo azokarik ez antolatzea erabaki zuten, “jende asko biltzen denez, eta segurtasun neurririk berma ezin daitezkeenez, aurtengo azoka bertan behera uztea erabaki da. Datorren urterako indarrak hartuko ditugu bai guk, eta baita kanpotik etortzen direnek ere. Ea hurrego urtean posible den”, adierazi du Dorleta Aranburu Irrintziko lehendakariak.