Altxorraren bila jolasean ibili da arratsaldean hainbat asteasuar. Mattin Gizarte Abenturako kideek prestatu dute. Izen-ematerako, elikagaiak ekartzeko deia luzatu dute eta Elikagai Bankura bideratuko dute bildutako guztia. Herritar asko animatu da parte hartzera, eta elikagai kopuru polita lortu dute antolatzaile gazteek.

Segurtasun neurri bereziekin bada ere, aurtengo udan ere izango da Asteasuko igerilekuetan gozatzeko aukerarik. Pili Legarra alkateak azpimarratu duenez, “herritarren eskaerari jarraituz, zerbitzua martxan jartzea erabaki genuen. Neurri ezberdinak hartuko dira ahalik eta segurtasunik handiena izan dezagun. Orain, erabiltzaileei arduratsu izateko eskaera luzatu nahi diet”.