Bakarlari gisa ederki asko aritu dira Ander Egaña eta Jaime Eguzkitza tronpeta-joleak, Lier Sarasola xilofono-jolea, Aiala Irulegi flauta-jolea, Martin Sanchez klarinete-jolea, Gorka Macias saxo-jolea, eta, Igor Ruiz saxo-jolea Basteron, gaur eguerdian. Horiekin batera, Musika Tailerra 3ko ikasleak gonbidatu gisa ere igo dira oholtzara. Berriki hil den Arantxa Irigoras banda-kide ohia oroitu dute emanaldiaren hasieran. Argazki-sorta eta bideoak, hemen:

Jendetza erakarri du arratsaldean ere Larramendi Bazkunak antolatu duen azokak. Bi txapelketa jokatu dira, eta horietan, Elisa Alonsok jaso du irrintzilariarik onenaren saria; Iñigo Moreno, berriz, toka txapelketan izan da bizkorrena. Azkenik, iluntzean, Komerik musika talde gaztearen doinuekin eman diote bukaera euskararen aldeko egun osoko jaialdiari. Argazki-sorta eta bideoa (behean):