Afari apustua Arteaga anaiek eta Jauregi I-Zabalak jokatu zuten; lehenengoek eskuratu zuten Aterpe jatetxean afariaz gozatzeko txartela.
Igandekoa kontutan hartuta, Loidi anaiek bosgarren txapela eraman dute jada etxera; bigarrena Itsasnek eta Iratik. Azpimarratzekoa da finala jokatu zuten zortzi jokalarietatik, zazpi (Itsasnez ez gainerakoak) sorabillatarrak direla. Bestetik aipatzeko modukoa ere bada finalera iritsi diren Ponce eta Xabier Mujika gazteena balentria. Nahiz eta aurten finala galdu, Gazteleku elkarteko bi pala jokalariak nabarmentzen ari dira palaren munduan. 22 urtez azpiko Gipuzkoako paletako txapelketa irabazi zuten joan den astean, eta zer esana ematen jarraituko dute etorkizunean, zalantzarik gabe.
Iturzaeta Batzordearen ahalegina aipatzekoa izan da antolaketa guztian, beti bezain zorrotz.
Bestalde, pala motzeko Iturzaeta Memorialeko finala datorren ostiralean jokatuko da, San Juan jaien hasierarekin batera, Arrate pilotalekuan 20:00etan hasita. Ibarguren I-Garma eta Ibarguren II-Pichel bikoteek neurtuko dituzte indarrak. Ondoren, profesional mailako pala pilotarien txanda helduko da: Fusto-Ibai eta Necol-Urrutia ariko dira, pilota jaialdiari amaiera emanez.