Puska Biltzeko antolatzaileek adierazi dutenez, parte hartzaile askok eman dute izen; baina parte hartu nahi duenak otsailaren 3ra arteko epea izango du izena emateko. Horrez gain, bazkaltzera joango direnen baieztapena jakite ezinbestekoa dela nabarmendu dute.
Horrekin guztiarekin batera, jantzita nola joan behar den ere jakinarazi dute:
- Abarkak (mendiko botak aukeran)
- Artilezko galtzerdiak
- Mahoizko galtzak
- Bluxa gorria (Axeri Dantzakoek eramango dituzte)
- Lastozko txapela (bakoitzak nahi duen moduan apaindua dezake; zintak, zapiak, loreak...)
- Nahi duenak aurpegia estali dezake, margotu etab.
- Soinean eramateko zintzarriak, apaingarriak etab.
Ordutegiari dagokionez, goizeko 7:30etan elkartuko dira parte hartzaileak Irunberri Elkartean, gosaltzeko eta azken prestaketak egiteko. 8:00tan Goiburura abiatuko dira; eta 13:00tak aldera, Goiburuko plazara iritsiko dira. Buelta amaitzean bazkaria Irunberri elkartean izango da.