Uztailaren 10era bitarte aurrez aurreko eta online bidezko jarduerak anotlatu dituzte: “Boluntariotzan oinarritutako egitasmoaren helburua Andoaingo haurren eta haien familien poztasunari eustea da. Hamar egun horietan, 30 begirale boluntariok eta La Salle Berrozpeko irakasleek jarduerak antolatuko dituzte ikastetxeko LHko 4 mailatik DBHko 4. mailara arteko ikasleentzat. Hiru motatako jarduerak aurreikusi dira: etxetik online egitekoak, kalean norberak bere kontura egin ditzakeenak eta aurrez aurrekoak Andoainen bertan, begiraleen laguntzarekin”.
Askotariko ekintzak izango dira, udalekuaren izpiritua gogorarazteko baliagarriak: Pista-ibilaldiak, argazki-rallya, erronka, kerrezetak, azeriaren jokoa eta abar. “Jarduera guztietan COVID-19a saihesteko neurriak zorrotz bete beharko dira, hala nola maskara erabiltzea, segurtasuneko distantzia gordetzea eta gel desinfektatzailea erabiltzea”.