Leitz Kirol Kultur Elkartea 2001eko apirilaren 24an sortu zuten; hortaz, gaur bere 20. urteurrena ospatzen du elkarteak. Leitzen barruan abian jarritako mendi-bizikleten atalak indartsu jarraitzen du geroztik, eta urrutira gabe, bihar mendi irteera antolatu du bere 70 bazkideentzat. Andoain-Onddo-Adarra-Onddi-Besabi-Andoain ibilbidea egin beharko dute bizikletazaleek. Urtean 12 irteera prestatzeko ohiturari eutsi nahi diote aurtengoan ere, nahiz eta osasun-krisialdiak jota bizi garen. Argazkian, elkarteko zenbait txirrindulari ageri dira 2009an, irteeratarako hitzordua jarri ohi duten tokian, Txurrerian, alegia.