Bi udalerrietako udal ordezkariek Lasarte-Oriako udaletxean aurkeztu zituzten antzezlanak atzo, eta guztien izenean Agustin Valdivia eta Maider Lainez, Lasarte-Oriako eta Andoaingo alkateek hartu zuten hitza. Bizikidetza mahaien zeregina azaldu zuten lehenbizi: “Bi udalerriak hainbat urte legegintzaldi daramatzagu bi udalerrietan bakea, elkabizitza eta memoria inklusiboaren alde lanean hainbat ekimenen bidez, Baketik Fundazioaren bidelaguntzarekin. Elkarbizitza mahaiak dauzkagu martxan bi udaletan, non udal ordezkaritza duten alderdi politiko guztiek parte hartzen dugun”. Bakea eraikitzea eta euskal gizarteak hamarkadetan jasan duen motibazio politikoko indarkeriak kaltetutako bizikidetza berreraikitzea dela mahai horien helburua, gaineratu zuten.
Bi antzezlan
Bi antzezlanen nondik norakoak azaldu zituzten Valdivia eta Lainez alkateek:
* Proyecto 43-2. Andoainen, Basteron, urriaren 7an.
“Indarkeriak familia eta gizarte harremanetan eta identitatearen garapenean duen eragina, minak markatutako bizipenetan”.
* Viaje al fin de la noche. Lasarte-Orian, Manuel Lekuona kultur etxean, urriaren 15ean.
“Indarkeriazko hamarkadek utzitako herentziak armarik gabeko orainaldian izan duen eraginaren hausnarketa, biktimen eta haien ondorengoen bidez”.
Sarrera doan da, eta gonbidapenak Andoaingo Basteron eta Lasarte-Oriako kultur etxean eskura daitezke.