Atzo, 2.476 PCR proba egin ziren, eta, haietatik, 156 positiboak izan ziren. Lurraldeen arabera, 20 kutsatu zenbatu dira Araban, 105 Bizkaian eta 29 Gipuzkoan; 2 gehiago Euskaditik kanpo bizi diren pertsonetan.
Ospitaleen egoera dela eta, COVIDaren ondorioz 9 pertsona ospitaleratu ziren atzo, eta COVIDa duten 5 pertsona ZIUn daude.
Eskualdeko joera
Esan bezala, Gipuzkoan positiboen kopuruak beheranzko joera izan du; baina Andoainen, Urnietan eta Villabonan 8 kutsatu gehiago zenbatu dira azken hiru egunetan. Pasa den ostiralean Urnietan kutsatutako pertsona bakarra hauteman zen, eta 3 Villabonan. Larunbatean Urnietan 3 kutsatu gehiago zenbatu ziren. Igandean, berriz, Andoainen hauteman zen PCR proban positibo eman zuen herritar batek.