Urnietako udalak euskarako ikastaroetan matrikulatu eta euskarako eta HHI-Helduen Heziketa Iraunkorreko ikastaroetara joan direnentzako diru-laguntza eskatzeko epea ireki du. Diru-laguntzak eskatzeko epea uztailak 30 arte egongo da zabalik. Eskaera orriak Herritarren Arretarako Bulegoan entregatu beharko dira.
Ikasle langabetuen diru-laguntza matrikularen %100koa izango da, eta gehienez %85ekoa lanean ari direnentzako. Horrez gain, diruz laguntzeko gehienezko matrikularen kopurua 500 euro izango da urte eta ikasleko.