Lanabasak ez dituzte eskuz esku pasa, Koronabirusari aurre egiteko neurriak medio. Hala ere, udal langileen alboan egon dira ikasleak uneoro, eta elkarlanean landatu dituzte haritzak. Lur-sail horretan ardiak izan ohi direla kontuan harturik, zuhaixka bakoitza hesituko dute aurki, babesteko.
Basoaren Nazioarteko Eguna
Basoa dute mintzagai Eskola Agenda 2030 programaren barruan diren hamaika herritako ikastetxeek. Horiek horrela, martxoaren 21n Basoen Nazioarteko Eguna ospatzen denez, Zuhaitz Eguna data horrekin lotu dute gaurkoan.
“Basoak ernatzen” proiektuaren barruan Gipuzkoa mailan 50 ikastetxe baino gehiagok parte hartu dute, Urnietako lau ikastetxeak barne. Horrela, aste honen barruan herri bakoitzean landaketak egingo dira “Basoaren astea” ekimenari lotuta.