Zintzilik diskoko kantuak pazaratu zituzten Olatzek eta Jagobak: doinu, hitz, aipamen..., oso saio goxo eta ederra eskainiz. Gustura aritu ziren musikariak taula gainean, gustura entzuleak aulkietan eserita eta distantziei eutsi beharraren aurrean ere. Gogoz geratu zenak hurrengo larunbatean Lizartzan entzuteko aukera izango du Olatz Salvador.
Kultur ekitaldiak irailean zehar
Zizurkilen, berriz, aurrera jarraituko du Iraila kulturalak, Zizurkilgo Udalak astebururo antolatu baitu kultur ekintzaren bat hilabete osoan zehar:
Irailak 12, larunbata
‘Meloren bila’ izenburupean, haurrentzako pista jolasa egingo dute herrian barrena. Sei eta hamabi urte arteko haurrei zuzendutako ekimena da honakoa. Hamarnakako taldeak antolatuko dituzte, begirale batek lagunduta. Herrian zehar Melo eta bere lagunak topatzea izango da haurren zeregina. 18:00etan ekingo diote jolasari, Joxe Arregi plazatik. Parte hartzeko, izena eman beharko da aurrez, Udal bulegoetan.
Irailak 13, igandea
'Impro-komeriyak', helduentzako antzezlana. 19:30ean hasiko da, Joxe Arregi plazan. Gonbidapena beharrezkoa izango da.
Irailak 18, ostirala
Bertso saioa. Amaia Agirre, Oihana Iguaran, Unai Mendizabal eta Haritz Mujika arituko dira kantuan, Igotz Alkortaren gidaritzapean. 18:30ean hasiko da saioa Joxe Arregi plazan, eta beharrezkoa izango da gonbidapena izatea.
Irailak 19, larunbata
Bingo musikatua egingo dute, gazte eta helduentzat. Kuadrillak izango dira parte-hartzaile, eta gehienez, hamar pertsona onartuko dira kuadrilla bakoitzeko. Udal bulegoetan egin beharko da izen-ematea, eta eserlekuak arduradunek antolatuko dituzte. Joxe Arregi plazan egingo dute bingo musikatua, 19:30ean hasita.
Irailak 20, igandea
‘Ikusi arte’ izenburupena, herriko artisten emanaldia. Hodei Arrastoaren zuzendaritzapean arituko dira Maria Altuna, Zigor Lampre DZ, Unai Mendizabal eta Janire San Sebastian. 20:15ean hasiko da saioa, Elbarrenako elizan.Gonbidapena behar da.
Irailak 25, ostirala
Marrazki lehiaketako sari-banaketa ekitaldia egingo dute Joxe Arregi plazan, 19:30ean hasita. Lehiaketan parte har-tu ahal izateko, herriko ikastetxeetan banatuko dituzte marrazteko paperak eta Plazida Otaño liburutegian ere izango dira eskuragarri. Liburutegian bertan utzi beharko dira lanak, irailaren 14tik 19ra. Irabazleek, marrazteko materiala jasoko dute. Jarraian, argazki lehiaketako sari-banaketa ekitaldia egingo dute. ‘Herriko txokoak’ izango da lehiaketako gaia. Oinarriak eskuragarri egongo dira zizurkil.eus edota labur.eus/zizurkilgoargazkilehiaketa2020 gu-neetan. Argazkiak bidaltzeko helbidea honakoa izango da: zizurkil@live.com. Irailaren 22a izango da horretarako azken eguna. Tolosako Arri Studioan argazki saioa egiteko aukera izango du lehiaketako irabazleak.
Ostiralean bertan, afizionatu mailako pilota partidak izango dira ikusgai Intxaur pilotalekuan. 21:00etan hasiko dira partidak eta Udal bulegoetan izango dira eskuragarri sarrerak.
Irailak 26, larunbata
Patata tortilla txapelketa, kuadrillentzat. Kuadrilla bakoitzeko bi kide arituko dira sukaldean. Ondoren, kuadrillak plazan afaltzeko aukera izango du, gehieneko hamar laguneko mahaietan. Lantresna eta osagai guztiak parte-hartzaile bakoitzak ekarri beharko ditu eta gaueko 00:00etarako mahai guztiak jasota egongo dira. Plazan afaldu ahal izateko, ezinbestekoa izango da kuadrillako bi kideren parte-hartzea. 19:30ean ekingo zaio txapelketari Joxe Arregi plazan, eta beharrezkoa izango da aurrez izena ematea.
Irailak 27, igandea
‘20.000 legoa itsaspeko zaborretan’, haur-antzerkia. Txalo produkzioak eskaintzen duen ikuskizuna, 18:30ean hasiko da Joxe Arregi plazan, eta aurrez gonbidapenak es-kuratu beharko dira Udal bulegoetan.
