Atzo maiatzak 17, LGTBI pertsonen (lesbiana, gay, bisexual, transexual eta intersexualen) aurkako gorroto eta indarkeria mota ororen aurkako eguna izan zen.
Horren harira, 2018an bere buruaz beste egin zuen Ekai Lersundi ondarrutar gazte transexualaren bizitza jasotzen duen dokumentala eskainiko dute, eta ondoren, bere gurasoekin solasaldia egingo da. Adunako Udalak, Naizen elkartearekin (Adingabe Transexualen Familien Elkartea) batera antolatu du ekimen hau.
2020. urtean estreinatu zen dokumentala, gazteleraz dago eta 21 minutuko iraupena du. 16 urtetik gorako herritarrentzat dago gomendatua.