Adunako Irizar E-Mobilityko langileek greba mugagabea hasi zuten astelehenean, hitzarmenaren negoziazioaren «aurrerapenik eza» dela medio. Hala, Ormaiztegin egoitza nagusia duen Irizar Groupi «jarrera aldatzeko» eta plantillaren eskaerak onartzeko eskatu diote. Hauexek dira egin dituzten eskerak.
- Lan berdina soldata bera.
- Lan irteeratako lan baldintza duinak eta berdinak denontzat.
- Esfortzu gehigarriak konpentsatuak.
- Langile guztien bizitza pertsonala eta kontziliazioa bermatu.
- Gipuzkoako Metalgintzako Hitzarmena bermatu.
Enpresa-batzordeak, LABeko zortzi ordezkarik eta ELAko batek osatuta, greba mugagabea deitzea erabaki du, hitzarmenaren negoziazioan "aurrerapausorik eman ez delako". Salatu dutenez, "Lau hilabeteko negoziazioen ondoren blokeoa erabatekoa da".
