"XXI. Sagardo lehiaketa. Gipuzkoako Foru Aldundia Sariak" txapelketaren sari-banaketa egin dute gaur goizean.
🍏Josu Aburuzaren hitzak Gipuzkoako #SagardoTxapelketa irabazi ondoren.
— Gipuzkoa - Gure Lurra (@GipuzkoaLanda) June 22, 2022
Jarrai dezagun Aldundia eta sagardogileak lelkarlanean @EuskalSagardoa -ren kalitatearen alde lanean, sagardogintzaren etorkizun oparo baten alde. #lankidetza #Gipuzkoa pic.twitter.com/Lt7oQAikoK
Lortutako puntuazioaren arabera hiru kategoriatan banatu dira sagardoak: urrea 72 puntutik gora, zilarra 65 eta 72 puntu artean, eta brontzea 60 eta 65 puntu artean. Aldundiak emaitzaren berri eman du: “Sagardo Lehiaketako 2022ko edizioan hamasei izan dira 60 puntutik gora lortu dituzten sagardoetxeak: brontzezko kalifikazioa lortu dute Gaztañagak eta Itxas-Buruk. Zilarrezkoa Gurutzetak, Lizeagak, Petritegik eta Zelaiak. Eta urrezkoa, berriz, Aburuza, Akarregi, Altzueta, Alorrenea, Begiristain, Etxeberria, Isastegi, Oiharte, Saizar, eta Zapiain sagardotegiek. Txapeldunetan txapeldun, ordea, Aburuza sagardoetxea gailendu da. Saritu guztiek euren botiletan, datorren urte osoan, zigilu akreditatibo bat eramateko aukera izango dute, urrezko, zilarrezko eta brontzezko sailkapena erakutsiko duena".
Epaimahaiaren erabakia
Andoni Eizmendik, Aitor Mendiluzek, Mikel Garaizabalek eta Fraisoroko dasta-paneleko hiru dastatzailek osatu dute epaimahaia. Horiek Aburuza sagardoetxeak egiten duen sagardoaren kalitate analitiko eta organoleptikoa jarri dute balioan.