"Ilusioz eta gogotsu gaude eskola komunitateko kide guztiak, guraso zein irakasle. Herritarrak ere emozio handiarekin somatzen zaituztegu. Denok osatzen baitugu Adunako eskola. Eskola bera ez baita ezer herririk gabe, eta herriarentzat aberasgaria da eskola. Herritarrak sortzen baititu, herria maite eta bizi dutenak". Ariane Lertxundi Guraso elkarteko kideak eta Eskola Txikien Eguneko komunikazio batzordeko kideak irakurri du adierazpena.
Alboan zuen Paule Zestau Sanchez, eskola txikien eguneko logotipo lehiaketaren irabazlea. Aurkezpenaren amaiera aldera, udaletxeko balkoitik eskegi dute logoa tamaina handian.