Berria txapelketako A taldea
Honako hiru bikoteak lehiatzen ari dira: Susperregi-Apezetxea; Irazu-Zaldua I; eta Jabalera-Goikoetxea VI.
Azken bi horiek dagoeneko finalaurrekoa jokatzeko sailkapena lortu dute, beren bi aurkariak gainditu ostean. Jabalerak eta Goikoetxea IV.ak 0-2 (9-15 eta 10-15) lortu zuten garaipena, Irazuren eta Zalduaren aurka, Berria Erremonte Txapelketako lehendabiziko partidan. Susperregi eta Apezetxea ere atzean utzi zuten, 2-1 (15-11, 12-15 eta 8-5) gainditu eta gero. Bi partidak irabazita, finalaurrekoa ziurtatuta dute.
Beste bi bikoteentzat, aldiz, Susperregi-Apezetxea eta Irazu-Zaldua I-entzat, larunbatekoa bale edo kale egiteko eguna da. Aukera bakarra dago: garaileak aurrera egingo du, eta galtzailea kanporatua izango da.
Larunbat honetan, beraz, hitzordu interesgarria Galarreta Jai Alai frontoian. Arratsaldeko 16:30ean hasiko da partida.
B taldea
Arluziaga-Zubiri; Gurrutxaga-Aiestaran VI; eta Zaldua II-Eskudero bikoteak jokatzen ari dira.