Mugimendu kontzientea esploratu, gozatu eta sakondu nahi duen orori zuzendutako lantegia izango da hau. Laborategi honetan mugimendu kontzientea landuko dugu, gure gorputzari arretaz entzunez eta gorputzaren baitako lengoaia somatikoarekin bat eginik, berez darion mugimendu lirain, aske eta bizigarriak sentituko ditugu. Gure gorputz gaitasuna errespetatuz, zintzoki biziko dugu. Horretxek erraztuko die bidea dantza askeago eta adierazpen organikoago bati, inprobisazioan oinarritutako lengoaia errespetatuz. Dinamizatzailea: Maider Oiartzabal Ziganda
Abenduaren 9tik 24ra, Ongi Etorri Errefuxiatuak erakusketa izango da ikusgai Zizurkilgo Udal Liburutegian. Gerren eta bestelako gatazken ondorioz mundu osoan sortu diren exodoei buruzko hausnarketa planteatzen du erakusketak, horretarako adibide hainbat, zifra ugari eta arrazoi nahiz ondorio aipagarriak bilduz. Ordutegia: 10:-13:00 eta 16:00-19:00