Batetik, Amaia Elizaran dantzari tolosarraren konpainiak, 'Block' izeneko ordu laurdeneko emanaldia eskainiko du. Gorputz hizkuntza indartsuaren bidez, bi emakumeren bizitzak ekarriko ditu eszenara, besteak beste, egoera latzen aurrean, bizitzak berak zentzua galtzen duenean, arazoei aurre egitea ezinbestekoa dela azalduz.
Bestetik, Errenteriako Kukai konpainiak, Bartzelonako Brodas Bros konpainiarekin batera ekoitzitako 'Topa Work in Progress' ikuskizuna eskainiko dute. 40 minutuko saioa izango da eta kalea eszenatoki bilakatuko dute, ikusleen laguntzarekin.