Senidetze egunari eguerdiko hamabietan ekin diote Amasa-Villabonako Udalak eginiko harrera instituzionalarekin. Ondoren, Oinargi dantza taldearen txanda izan da, eta El Salvadorretik etorritako ordezkariei dantza saioak eskaini dizkiete. Ordubatetan herritarrekin batera ongi etorria egin zaie Berdura plazan. Bertan aukera eduki dute Pedrina Riverak, Walter Clarosek eta Esmeralda Floresek zenbait hitz esateko.
Ekitaldiaren ostean, bazkaria eduki dute Berdura plazan, eta horrelaxe eman die amaiera aurtengo senidetze egunari.
Erreportajea datorren hamaboskarian
Aiurriren 640. alean Riverak, Clarosek eta Floresek beren herrietako egoerari, bizi-baldintzei eta lortutako zerbitzuei buruz hitz egingo dute. Ekainaren 6an egongo da irakurgai hamaboskaria harpidedunentzat etxean edota ez direnentzat ohiko saltokietan, hala nola Amasa-Villabonako Basajaun liburu-dendan eta Amasa kafetegian, Zizurkilgo Ogi-zuri kafetegian edota Andoainen Ernaitza eta Stop liburu-dendetan.