Hassan Ait Chaou bigarren, Zumaiako Flysch trail lasterketan

Sasoi bikainean aurkitzen da Hassan Ait Chaou korrikalari billabonatarra. Joan zen asteburuan T3T lasterketa irabazi bazuen eta ekainaren 3an Zegama-Aizkorri mendi lasterketa entzutetsuan lehen beteranoa izan bazen, asteburu honetan bigarren postua eskuratu du Zumaiako Flysch trail lasterketan. Oier Ariznabarretaren ondoren, bigarren lekuan helmugaratu zen, 03:43:12 denbora eginez, 42'23 kilometroko bidean.