2018ko ekainaren 28an Leon probintzian, gidari batek Donejakue bidea bizikletaz egiten ari zen bikote bat eta semea harrapatu eta ihes egin zuen. Egun, epaileak gidaria behin-behineko askatasunean utzi du. Horren harira, Villabonako bozeramaile batzordeak egindako presazko bilkuran, aho batez erabaki da auzian herri-akusazio gisa aurkeztea. Udaleko ordezkariek epaiketa ahalik eta azkarren egitea aldarrikatzen dute, familia eta lagunei samin gehiago ez eragiteko. Horrez gain, Nerea, Jose Carlos eta Orats-en familia eta lagunei elkartasun osoa eskaini die Udaleko ordezkariek.
Prentsa agerraldiaren ostean, elkarretaratze jendetsua egon da Erreboteko Plazan familia, lagunak, txirrindularitza munduko zenbait ordezkari eta herrikideez lagunduta.
