Azken itzulian lortu du garaipena Iraitz Arrospidek; Craig Hunt estatubatuarra, Lungile Gongqa hegoafrikarra eta Daniel Nash britaniarra mendean hartuz. Distantzia honetako Espainiako errekor berria ere jarri du Arrospidek. Aurrez Asier Cuevasek zuen denbora ia 10 minutuan hobetuta. Munduko txapelketara abiatu aurretik,denbora ona lortzea baino, postua lehiatzeko nahia zuela adierazi zuen Arrospidek. Bi helburuak ondo baino hobeto lortu ditu Sheffield-en bizi den billabonatarrak.