Eguerdian joan dira hiru emakumeren etxeetara Beatriz Unzue Amasa-Villabonako alkatea eta Arantxa Lopez zinegotzia. Dolores Mateos de Iglesiaren etxera joan dira lehenik. 100 urte bete zituen maiatzaren 14an.
Ondoren, Maria Jesus Lopez Egiluz bisitatu dute. Bera da billabonatarrik zaharrena; 104 urte beteko ditu abenduaren 24an, hain zuzen.
Azkenik, hiruretan gazteena denarengana joan dira, Juana Arregi Zalakainengana. 100 urte beteko ditu urriaren 12an. Iloba eta familia alboan izan ditu udaleko ordezkarien bisitan.
Irribarretsu eta eskertuta hartu dute hirurek omenaldia, eta beren ume nahiz gazte garaiko kontuez eta pasadizoez hitz egin dute elkarrekin.