“Eskolako familiak jatorri eta kultura anitzekoak gara eta aniztasun balorea defendatu nahi dugu berriro ere. Herritarren arteko elkar ezagutza, elkarlana eta aniztasun balioak bultzatu nahi ditugu, Amasa-Villabona herriarekin batera”, jakinarazi dute. Horretarako, ‘aniztasunaren bandera’ kaleratuko dute, jatorri ezberdineko oihalak euskararen hari gorriaz elkar josirik. Arratsaldeko 16:30ean ekingo zaio kalejirari eta aurrez, 16:00etan Fleming Herri Eskolako 50. Urteurrenerako prestatu duten logotipoa aurkeztuko dute Arroako eraikinean.
Egitaraua:
- 16:00 50. urteurreneko logoaren aurkezpena.
- 16:30 Festaren hasiera Arroan: Nigeriar dantzak, Nikaraguako ahotsak...
- Kulturanitzak gara! kalejira, Errebote plazaraino, Zarakatun batukada feministak alaituta.
- 17:45 Haurrentzako jolasak, tailerrak eta te dastaketa Kolore Guztiak taldearen eskutik.
- Ondoren, txokolatea eskolaren eskutik.