Logo lehiaketa, Behar Zana pilota elkartearen 75. urteurrenaren harira

Behar Zana pilota elkarteak 75. urteurrena ospatuko du 2021eko ekainean. Urteurrenari begira, logo lehiaketa jarri dute abian. 2020ko urtarrilaren 10a arte aurkez daitezke lanak Villabonako Karlis argazki-dendan. 150 euroko saria jasoko du irabazleak. Baldintzak, jarraian:

LEHIAKETA

  • Parte-hartzaile bakoitzak 2 lan aurkez ditzake lehiaketara.

AURKEZPENA

  • Logoak 20 x 25 cm-ko neurrian aurkeztu beharko dira. Formatu digitalean nahiz eskuz eginiko lanak izan daitezke.
  • Lehiaketara aurkezten diren lanen izenburuak gutun-azal handi baten gainaldean nabarmendu behar dira. Eta beharrezkoa da:

               * Lanak gehitzea, atzealdean bakoitzaren izenburua nabarmenduz.

               * Itxita eta lanen izenburuak idatzita dituen gutun-azal txiki batean, ondorengo datuak zehaztea: izen-abizenak, helbidea, herria, telefono-zenbakia eta lehiakidearen helbide elektronikoa.

  • Villabonako Karlis argazki-dendan jasoko dira lanak.

Epea: 2020ko urtarrilaren 10a.

IRABAZLEA

  • Lan irabazlea 2020ko urtarrilaren 13tik 19rako astean emango du ezagutzera epaimahaiak. Antolatzaileak jarriko dira logo irabazlearen egilearekin harremanetan.
  • Lan irabazlea helbide elektronikoz bidali beharko zaie antolatzaileei, JPG formatuan.
  • Irabazleak 150 euroko saria eskuratuko du. Datu hori gehitu???

Informazio zehatzagoa: 75.urtemuga@gmail.com helbide elektronikoan.

AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!