Arroza, lekaleak, pasta, olioa, sardin eta atun latak, azukrea eta konpresak bilduko dira.
- Amasa-Villabonan jakiak biltzeko jarri diren kutxak:
Fleming herri eskola, Zubimusu ikastola, Udaleko herritarren arreta zerbitzuko bulegoa, Pepi janari-denda, Musturinea harategia eta Sahatsa belar-denda.
Janariaz gain, eskolarako materiala ere bilduko da: kuadernoak, arkatzak, borratzeko gomak, txorroskiloak, margoak eta abar. Horiek guztiak Tinta inprimategian, Kazetaria eta Basajaun liburu-dendatan egongo diren kutxetan utzi ahal izango dira.
- Otsailaren 1ean bilketa berezia Malkar plazan, 09:30-13:30:
Oria merkatarien elkarteak eta Tolosaldea Sahararekin elkarteak elkarlanean, janari bilketa berezia antolatu dute otsailaren 1ean (larunbata) Malkar plazan kokatuta dagoen supermerkatuaren alboan. Bertan, saharar herriari buruzko informazioa banatuko dute.
Amasa-Villabonako Udalak herritarrak animatu nahi ditu kanpaina honetan parte hartzera, "modu horretan, urte luzetako zapalkuntza eta bazterketaren ondorioz egoera humanitario larria sufritzen duten saharar errefuxiatuei laguntzera".