Gaur ostirala, urtarrilak 31, lau pilotaren bisitaz gozatzeko aukera izango da Kilometroak dendaren aurrealdean (Altzin kalea 3, Villabona), arratsaldeko 17:30etik aurrera. Ander Imaz, Iñaki Artola, Anne Maiza eta Iker Irribarria etorriko dira. Pilotariei galderak eginez, ikasleek bideratuko duten mahai-inguruaz gain, zozketak ere izango dira.
Batetik, pilotariek sinatutako bi kamiseta zozkatuko dira, urtarrilean zehar dendan 20 eurotik gorako erosketak egin dituzten erosleen artean. Bestetik, berriz, pilotariek sinatutako bi pilota ere zozkatuko dira, ekitaldira bertaratutako 16 urtez azpiko ume eta gaztetxoen artean.