Auzoko musikariek hartu zuten parte, hala nola, hainbat trikitilari, panderojole, txalapartari, aho-soinu jole, irrintzilari, eta auzo guztian ongi entzuteko, norberaren telefonotik jo zuten, telefono dei baten bidez, bizilagun baten soinu ekiporaino heltzeko modua eginez.
Lehengo igandean ospatu zen 'Larrea Auzoa Kantari' kantu-jiraren lehen edizioa, eta atzoko euskal jaian, musikarien saioen tartean, ekitaldi horren bigarren edizioa egin genuen. Aurrez abestien letrak auzokide guztien artean partekatu eta musikaren melodia zuzenean joz.
Jaian zehar, gainera, Reala eta Athleticen arteko finaleko momentu garrantzitsuenen kontaketak eta haurrentzako abestiek ere izan zuten tarterik.
Arratsalde polita izan zen, auzotarrek auzotarrentzat egindako jaia. 18:00etan txalaparta doinuekin hasi, eta 20:00etako txaloen ostean, “Ez gaitu inork geldituko” abestia denon artean abestuz eta zuzeneko musikarekin amaitu zena.