Berpiztu ekimeneko arduradunek adierazi dute omenaldiaren helburuen berri, "Santiago egoitzako eta osasun etxeko langileek gure adinekoen eta orokorrean herritar guztien arretan eta zaintzan egiten duten lana aitortu eta txalotu nahi dugu. Horrekin batera osasun-sistema publikoaren garrantzia azpimarratu, eta langileak baldintza duinagoetan lan egin behar dutela aldarrikatuko dugu. Bide batez, herritarron babes eta maitasun osoa helarazi nahi diegu egoitzan ingresatuta eta konfinatuta dauden adineko guziei ere".
Horretarako, aipatu bi eraikinen aurrealdean prestatuko diren eremuetan loreak utziz edo bertan egongo diren soketan testu, argazki edo marrazkiren bat zintzilikatuz har daiteke parte. Villabonako Gema loradendan eta Zizurkilgo Garazi loradendan eskuratu ahal izango dira eraikinen aurrean uzteko krabelinak.