Eusko Legebiltzarrerako hauteskundeak 2020

Uztailaren 12an hiru bozketa-gune egongo dira Amasa-Villabonan

Hauteskunde mahaietan egoteko zozketa gaur (ekainaren 16) burutu da, eta zozketan irten diren herritarrek datozen egunetan jasoko dute jakinarazpena etxean.

Uztailaren 12an ospatuko dira Eusko Legebiltzarrerako hauteskundeak, baina bozka-gunea ez da Olaederra kiroldegian soilik egongo. Covid-19aren osasun larrialdiaren eraginez, segurtasun neurri gisa, pertsonen arteko bi metroko distantzia mantendu beharra dago. Hortaz, beste bi bozka-gune egokituko ditu Amasa-Villabonako Udalak.

Hauxek izango dira bozka-guneak, auzoka banatuta:

Olaederra kiroldegia

  • Mahaiak: 1-A, 1-B eta 1-C.
  • Auzoak: Arroa, Legarreta, Errota, Kale Nagusia, Aldude, Kale Berria (bikoitiak), Maiatzaren Lehena plaza, Pilotarien kalea eta Santiago kalea.

Gurea zinea

  • Mahaiak: 2-A eta 2-B.
  • Auzoak: Larrea (sakabanatuta), Etxeondo, Larrea eta Oriamendi.

Txermingo ikastola

  • Mahaiak: 3-A eta 3-B.
  • Auzoak: Kale Berria (bakoitiak), Erniobea, Altzin, Txermin, Otelarre, Aldapeta, Amasa, Amasako plaza, Arantzalde ibilbidea, Otsabi eta Agaraitz.

Hauteskunde mahaietan egoteko zozketa
Gaur, ekainaren 16an egin da Amasa-Villabonako udalbatzaren ez-ohiko osoko bilkura, eta bertan burutu da hauteskundeetan mahaietan egoteko zozketa. Zozketan irten diren herritarrek datozen egunetan jasoko dute jakinarazpena beren etxeetan. 

AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!