Bestalde, hainbat neurri zehaztu ondoren, joan zen ekainaren 10ean zabaldu zituzten Irrintzi elkarteko ateak bazkideentzat. “Mahaien arteko distantzia moldatu egin dugu, eta protokoloa ere osatu dugu: sukaldean sukaldari kopuru mugatua aritu daiteke lanean, maskara erabilita, eta elkartera sartutakoan, gel hidroalkoholikoarekin garbitu behar dira eskuak”, adierazi du lehendakariak. Protokolo hori jarraituz, dagoeneko hasi dira bazkideak elkartera gerturatzen, “Gutxi oraindik, pixkanaka”.