Santioak 2020

Villabonako alkateak eskerrak eman dizkio herriari arduraz jokatzeagatik

Beatriz Unzue Villabonako alkateak eskerrak eman ditu udalaren izenean, asteburuan herritarrek eta ostalariek erakutsi duten jarreragatik.

Hona mezua osorik:

Pasa den asteburuan herriko jaiak ospatu behar genituen, baina osasun egoerak horrela eskatuta, dena bertan behera utzi behar izan dugu.

Beste behin Amasa-Villabona herria arduratsua dela erakutsi diguzue, eta oso harro gaude zuetaz. Salbuespen batzuk kenduta, osasun neurriak bete dira eta bihotz-bihotzez eskertu nahi dizuet zuen portaera eredugarria.

Hurrengo urtean bai. Santiotan Villabonako plaza eta kaleak jendez gainezka ikustea nahi dut. Eta horretarako, jarraitu behar dugu arduraz jokatzen. Eskerrik asko!

AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!