Baserritik begiratu, eta orain urte batzuk pentsatu ere egingo ez lukeen soroa ikusten du orain parez pare: lupulu-soroa. "Terreno aberatsak dauzkagu hemen, baina lanean ez dakigu gehiegi, aurreko belaunaldiei ikasitako zerbait besterik ez. Asmo berriekin datorrenari entzun egin behar zaio, eta hainbeste terreno huts edukita, gauza berriak egiteko aukera eman. Ideia berriak dituztenei lagundu egin behar zaie, bai baserritarron aldetik, baita goragotik ere: erakundeen aldetik”. Halaxe uste du, eta halaxe egin zuen Pellok Gorkaren asmoak jakin zituenean. Oso gustura daude saiakera eta emaitzarekin. "Ikasten ari gara. Lan asko du lupulu sailak, baina baita aukerak ere". Betikotik urrunduta, aukera berriak esku artean.
Euskal oilaskoak
2000. urtetik LumaGorri baserriko oilaskoak hazten ditu Arratzaingo lurretan. "Ondo hasi ginen, eta ondo jarraitzen dugu. Hala jarraitu nahiko genuke aurrera begira ere. Hura da nire lanbidea eta gustura nago".