Ostalaritzaren aldeko autokarabanak Villabona zeharkatu du

Eskualdeko ostalari ugarik egin dute bat autokarabanarekin, baita ostalaritzari lotutako zenbait enpresa banatzailek ere. Tolosatik abiatu da ostalarien autokarabana eta Anoetatik barrena iritsi da Villabonara 12:00etan, eliza aldetik. 'SOS ostalaritza' edota 'ostalaritza aurrera' moduko leloak eraman dituzte kotxeetan itsatsita. Zizurkil ere zeharkatu dute, eta berriro Villabonara pasata, Andoainen eman zaio amaiera kontzentrazioarekin.