Gure herrira, lanera etortzeko itsasoa zeharkatu behar izan duten guztiak omendu nahi ditu Udalak, musika emanaldi honekin.
Beraz, larunbatean arratsaldeko 18:00etan, Villabonako Gurea Antzokian izango da kontzertua. Bertan, Fabiana Boer (ahotsa eta bonbo legüero) eta Leandro Yaku (gitarra) musikariek Argentinako folklore garaikide eta tradizionalean zehar ibilbidea eskainiko digute. Aipatu behar da, kontzertuaren aurretik, Marijo eta Alex billabonatarrek hainbat abesti eskainiko dituztela.
Udalak amasa-billabonatarrak animatu nahi ditu gure herriak aurrera egin dezan, ahalegin eta dedikazio handiz, lan egin duten herritar hauek merezi duten omenaldia eskaintzera.