Juan Luis Perez Mitxelenak ‘Petti’ izenez aurkezten du bere burua musikaren munduan. Duela 21 urte atera zuen bere lehen diskoa, eta ‘Manipulazio estra-tegiak’ hamahirugarrena du. Bide horretan, estilo ugari landu ditu, eta nortasun handiko kantutegia osatu du. Bere ezaugarri bereizgarriak erraietatik sortzen zaion ahotsa eta gitarra jotzeko trebezia dira. Pentsamendua, poesia eta doinua; hirurak batzen ditu Pettiren azken proiek-tuak. Hain zuzen, komunikabideek gizartea manipulatzeko erabiltzen dituen estrategiak identifikatu zituen Noam Chomskyk. Gogoeta horiek bere egin, alanbikatu, eta hitz eta musika bihurtu dituzte Harkaitz Cano idazleak eta Pettik.