Villabonako I. azoka ekologikoa

Azoka ekologikoa antolatu dute lehenengo aldiz Amasa-Villabonan. Hilaren 31an izango da, igandean goiz osoan zehar. Udaleko Ingurumen saila, Biolur elkarteak, Ekolurra-ENEEK eta Tolomendi elkartearen elkarlanean antolatu dute azoka.

 

Modu ekologikoan ekoiztutako produktuak izango dira azokan, beraz, gerturatzen direnek natura errespetatuz,  inolako kalterik sortzen ez duten produktuak erosteko aukera  izango dute. 16 postu jarriko dira denera Errebote plazan; ogia, gozoak, arropa, eztia, barazkiak, kontserbak, eta frutak aurkituko dira besteak beste. 

Egitarauari dagokionez; goizeko 10:00etatik 14:00 arte azokaekologikoa izango da. 12:00tan Show cooking Javi Rivero sukaldari billabonatarraren eskutik eta 12.00tatik 14:00etara Kantina izango da Berdura plazan. 

 

 

AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!