Gau Beltza ospatzeko eguna da gaurkoa eta Amasa-Villabonan ere antolatu dute ekimena. Gazteleku kanpoan elkartuko dira, arratsaldeko 18:00tan, haurrak taldeka arimen ibilbidean sartzeko.
Txikienek gurasoen laguntzarekin egin dezakete ibilbidea. Etxeko arropa zaharrarekin eta aurpegian maindirearekin mozorrotuta joan beharko dute. Ondoren, 19:30ean, Errebote plazan arima guztiak elkartuko dira, suak piztu, beldurrak erre, gaztainak jan eta kopla abestuko dute.