Pilota egokitu txapelketan bi modalitate egongo dira: batetik, adimen urritasuna duten kirolariena, eta bestetik, urritasun fisikoa duten kirolariena.
Hurrengo hilabeteetan Gipuzkoako hainbat herritan jokatuko dira partidak: Amasa-Villabona, Errenteria, Donostia (Añorga), Asteasu, Andoain, Idiazabal, Zarautz eta Zumaia. Buruz-buruko bi kategorien finalak martxoaren 12an jokatuko dira Idiazabalen. Eta, bikotekako txapelketaren finala, berriz, maiatzaren 14an egingo da Zumaian. Txapelketa honetan parte hartuko duten kirol elkarteak hurrengoak izango dira: Pagazpe, Mindara, Zarautz KE eta Zumaia KE. Gainera, aurten, ikusleek partidak ikusteko aukera izango dute. Iaz, Covid pandemiaren eraginez partida guztiak ikuslerik gabe jokatu ziren eta. Amasa-Villabonako udala harro agertu da egitasmoarekin "Amasa-Villabonako udalarentzat ohorea da horrelako txapelketa bat herriko frontoian abiatzea."