Herri eskolan, "Steam" gela sortu dute eta 5.eta 6. mailako ikasleak bertan aritzen dira proiektua gauzatzen.
Proiektuaren barnean, "First Lego League" lehiaketan parte hartzen dute eta aurretiaz aipaturiko gai baten bueltan aritzen dira proiektuak osatzen. Proiektuaren barruan, sorkuntza lanean aritzen dira; proiektua asmatu eta lego piezekin robotak sortzen dituzte, ordenagailuarekin misioak programatzen dituzte eta azkenik proiektuaren aurkezpena landu eta burutzen dute.
First Lego”-ren antolatzaileak: Innobasque, Deusto,Mondragon Unibertsitatea, Donostia Sustapena dira. Gainera, Deustuko Unibertsitateak antolatzen duen “Inspira Steam” proiektuan ere parte hartzen du eskolak; nesken artean zientziarekiko jakinmina eta bokazioa sustatzea helburu duen programa da. Hauez gain, “Siemens Gamesa” lehiaketan ere parte hartzen dute, STEAM-ekin loturiko proiektu bat aurkeztuz.