Ttontorrez-ttonttor ekimena berriro ere martxan jartzeko bilera irekia egingo dute gaur

Aizkardi mendi elkarteko "Ttonttorrez-ttonttor" haur mendi taldeari jarraipena eman nahiean, bilera irekia egingo dute gaur, arratsaldeko 18:30ean, Aizkardiko lokalean. Bileran, gurasoak bilduko dira eta pertsona ororen interesak, asmoak eta iritzia elkarbanatzeko aukera izango da, gainera, ikasturte amaiera bitarteko egutegia osatzeko ere balioko du hitzorduak.