Izen emateko, Udaletxeko Herritarren Arreta Zerbitzuan joan behar da goizeko 08:00tatik 14:00 bitarte. Gaztelekuan ere izen emateko aukera izango da arratsaldez, 17:30etatik 19:30ak arte. Izen-emate orria behar bezala beteta eta sinatuta eman beharko da, haurraren osasun txartelaren fotokopia aurkeztearekin batera. Parte-hartzeari dagokionez, Amasa-Villabonan erroldatutako haurrek dute udaleku ireki hauetan parte hartzeko lehentasuna. Herrian erroldatuta ez dauden haurrekin, aldiz, itxaron zerrenda bat sortuko da, eta, plaza libreak geratuz gero, parte hartzeko aukera izango dute.
Kuotei dagokienez; Villabonan erroldatutako haur bakarra bada, 84,12 euro ordaindu beharko da, bi anai-arreba edo gehiago badira, aldiz, 44,17 euro. Villabonan erroldaturik ez daudenek, 126,18 euro bakarra izanez gero, bi anai-arreba edo gehiago badira, 66,24 euro ordaindu beharko da.
Goizeko haurtxo zerbitzuan, Villabonan erroldatutako haur bakarra izanez gero, 20,45 euro. Bi anai-arreba baino gehiago badira 13,29 euro. Villabonan erroldaturik ez daudenek, banakako kuota 29,66 eurokoa izango da eta bi anai-arreba edo gehiago badira, 18,41 eurokoa.
Amasa-Villabonako udalak, hobariak eskaintzen ditu udaleku irekietan parte hartzeko, horretarako; zerga ziurtagiria, edo bizikidetza unitateko kide guztien diru sarrreren ziuragiriak aurkeztu beharko dira izen-emateko garaian.
Gurasoekin bilera, ekainaren 22an
Urtero bezala, aurten ere Udaleku irikietan izena eman duten haurren gurasoei programa aurkeztuko zaie aurrez. Bilera ekainaren 22an izango da, arratsaldeko 18:00etan, Gurea antzokian.
Argibide gehiagorako zuretzat@villabona.eus edo gazteria@villabona.eus helbidera mezu elektroniko bat idatzi. Bestela, 943 69 21 00 edo 943 69 47 84 telefono zenbakietara ere deitu daiteke.