Gainera, indarkeria sexistaren aurkako #puntuetakitto mugimendua sustatzeko ere erabiliko dute biharko eguna. Goizeko 10:00etatik 13:00etara, Villabonako Santiago egoitzeko atariak elkartuko dira, eta, besteak beste, jarraian aipatutako helburuak aldarrikatuko dituzte:
- Ehuntzearen artea aldarrikapen feministarako tresna bihurtzea "Kaleak gureak dira" leloaren bitartez.
- Emakumeekin eta espazio pribatuarekin lotuta egoteagatik aintzatespena kendu zaien diziplinak esparru publikora ateratzea.
- Hurbileko harreman afektiboei balioa ematea, modu kolektiboan eraikitzeko eta ehuntzeko.
- Lanen atzean dagoen jakinduria guztia ikusaraztea. Arbasoek itzalean egindako lanaren balio kalkulaezina aitortuz.
Amasa-Villabonan ez ezik, Astigarraga, Errenteria, Pasaia, Hondarribia, Eibar eta Gasteizko hainbat pazatan ere elkarteratzeak deitu dira.
