Sarrerak Internet bitartez erosi ahal izango dira www.entradasfronton.com webgunetik. Norgehiagokak ostiralean izango dira, gaueko 22:00etatik aurrera.
Aurtengoan ere txapelketen artean ez da etenaldirik egongo, ostiralean hasiko baita lehen txapelketa handia, lau t´erdiko txapelketa bizi eta ikusgarria. Hilabete eta erdi iraungo du, eta azaroaren 20an jokatuko dute finala, Bilboko Bizkaia pilotalekuan.
Atzo aurkeztu zen txapelketa eta aldaketa gutxi daude aurreko lau t´erdikoarekin alderatuta. Hamabi pilotarik parte hartuko dute berriz, enpresa bakoitzetik seik. Aspe enpresatik, Jokin Altuna, Joseba Ezkurdia, Peio Etxeberria, Danel Elezkano, Aitor Elordi eta Dario Gomez pilotariak lehiatuko dira; Baikotik, berriz, Unai Laso, Erik Jaka, Mikel Urrutikoetxea, Iñaki Artola, Jon Ander Peña eta Asier Agirre izango dira. Guztiak aurrelariak.