Villabonako Udaleko Ingurumen sailak elikagai ekologikoen azoka berezia antolatu du urriaren 30erako. Goizeko 10:00etatik 14:00etara, Villabonako Erreboteko plazan, besteak beste, barazkiak, esnekiak, eztia, ogia, marmeladak, olioa, arrautzak… denak ekologikoak, eskuratzeko aukera egongo da.
Eguerdiko 12:00etan AMA tabernako Javi Riverok prestatutako pintxo dastaketaz gozatzeko aukera izango dute bertaratzen direnek. Eta, 12:30etan, Iraia Cambra bakarlari billabonatarrak Erreboteko plaza alaituko du eskainiko duen musika emanaldiarekin.
Era berean, eta goizeko 12:00etan ere bai, Zunbeltz elkarteko kideek Gau beltzerako kalabazak apaintzeko tailerra eskainiko dute etxeko txikienentzat, Erreboteko plazan.