Aukeraketa prozesuan, Amasa-Villabonako mahai politikoak eta hautezkunde batzordeak proposatu zuen Beatriz Unzue izateko berriro ere zerrendaburu eta alkategai. Pasa den azaroaren 30ean Subijana etxean egindako Herri Batzarrean proposamena onartu eta berretsi zen parte hartu zuten bilkide zein herritarren adostasunean.
Beatriz Unzue Esnaola egungo Amasa-Villabonako alkatea da eta beste lau urtez udalean lanean jarraitzeko eta hasitako bideari jarraipena emateko gogoz dagoela adierazi du "gauza asko egin ditugu baina beste egitasmo asko ditugu martxan, eta horiek aurera atera nahi nituzke EH Bilduko udal taldearekin batera".
Jada martxan dira Amasa-Villabonako EH Bilduko hauteskunde batzordeak sortutako lan taldeak eta datozen aste eta hilabeteetan hautagaien zerrenda eta herri programa osatzen arituko dira. Horretarako, herritarren ekarpenak jasoko dira EH Bilduk aitotu duenez, ezinbestekoa baita herritarrei zuzenean entzutea gaizki egindakoak konpondu eta aurrera begira, herri programako egitasmoak definitzeko.