Aurkezpenean, Leire Elizegi Bizipoza elkarteko Gipuzkoako koordinatzaileak argi adierazi du, "guztiok helburu berarekin elkarturik gaude; Aiztondo bailara, Irura eta Anoeta guztiontzat izan beharko lukeen herri inklusiboa erakitzeko, euskaratik eta euskaraz". Helburu nagusi horri heltzeko Bizipoza jaia antolatuko dugu: "Oinarrian, elkartasuna, bizipoza, euskara, kultura, hezkuntza, alaitasuna, auzolana eta herrigintza sustatzen duen egitasmoa izango dena”.
Jarraian, Ainhoa Beobide Aiztondo bailarako Bizipoza jaialdiko koordinatzaileak hartu du hitza eta hiru ardatzetan banatu du egitasmoaren lanketa. Lehenengo ardatza, ikastetxeetako lanketa izango litzateke; Porrotx pailazoak Bizipoza aurkeztu eta haurrei erronka berezia jarri die bizipoza zer den herrian zabaltzeko, ondoren, apiriletik maiatzera bitarte ikastetxeetan eurek aukeratutako sentsibilizazio saioak egingo dituzte, eta azkenik, gida didaktikoa sortu eta ikastetxeetan lantzen arituko direla azaldu du. Bigarren ardatza, herriko eragile eta elkarteekin bildu eta Bizipoza Jaia aurkeztea izan dela adierazi du Beobidek, eta, honekin batera, herriei gonbidapena luzatu zaiela helarazi du norberak bere herrian aurkezpen ekitaldia antolatu eta herrian bizipoza zabaltzeko helburuarekin. Azkenik, hirugarren ardatza plazaratu du Aiztondoko koordinatzaileak; ekainaren 17an eta 18an burutuko diren ekitaldiak, hain zuzen.
Aiztondoko Ikastetxeetako ordezkariak 
